Ef öllum rannsóknum á skaðlegum áhrifum farsíma er skipt í tvennt, annarsvegar þær sem eru styrktar af símafyrirtækjum eða fyrirtækjum í tengslum við þau og hinsvegar sjálfstæðar rannsóknir þeim ótengdum, kemur víst svolítið forvitnilegt í ljós.

• 70% sjálfstæðu rannsóknanna benda til að notkun farsíma geti verið skaðleg.
• 25% rannsókna styrktum af símafyrirtækja benda til að notkunin sé skaðleg.

Í nýjasta podcast þætti This American Life fjallar þriðji hluti þáttarins (hefst á 45:55) um einmitt þetta. Þeir tala m.a. um að farsímanotkun í dag sé stærsta líffræðitilraun sem gerð hafi verið. Að ekki sé búið að sanna þetta á einn veginn eða annan og að á meðan notum við símana óspart.

Þeir tala reyndar um að mörg Evrópulönd taki mun strangar á þessum málum en Bandaríkjamenn. Litlar sem engar rannsóknir séu framkvæmdar í Bandaríkjunum og regluverk um aldurstakmörk á notkun farsíma sé strangari eða til staðar í mörgum löndum Evrópu.

Það eitt að Bandaríkjamenn séu að draga lappirnar í þessu gæti kannski verið einhver vísbending.

Ekki misskilja samt. Strax eftir að ég hlustaði á þáttinn tók ég upp símann, lagði þéttingsfast að eyranu og talaði lengi vel án þess að spá nokkuð í þessu. Ég er ekkert á nálum yfir þessu.

En hver veit, þetta verður kannski stærsta “I told you so” mannkynssögunnar.

Síðustu vikur er hef ég verið að skrifa svolítið af bloggfærslum á likaminn.is en það er vefur sem ég er að smíða með hjálp mikilla snillinga sem ýmist eru á kafi í næringa- og íþróttafræðum.

Færslurnar hafa verið um allt frá ráði við hlaupasting til ástæðna fyrir af hverju við ættum að borða hægar.

Bloggið sjálft er í raun hálfgert hliðar-verkefni vefsins þar sem vefurinn sjálfur mun verða undir tól sem ég er að smíða – og byrjaði á til að halda utan um eigin íþróttaiðkun og árangur á breyttu mataræði. Fyrstu eiginleikar kerfisins hafa verið prufaðir af litlum hópi og er ég þessar vikurnar að ganga frá þeim svo ég geti opnað þá fyrir gesti bloggsins.

Þannig að ef þú hefur áhuga á einhverju sem við kemur líkamanum því sem hefur áhrif á ástand hans þá skaltu endilega skrá þig á síðuna og fá aðgang.

Hver eru einkenni svínaflensunnar aftur?

Þægileg uppsetning í stofunni

Ég reikna fastlega með því að hanga heima líka á morgun og takmarki útiveru um helgina og því kom sér afskaplega vel að þrjár bækur lentu frá amazon í gær.

Amazon sendingin

Fyrsta bókin er eftir Tim Ferriss sem ég er búinn að lesa mikið eftir á bloggsíðunni hans. Þetta er tappi sem virðist geta tekið hvaða viðfangsefni sem er og masterað. Kiljurnar tvær eru síðan bækur sem Tim hefur mælt með, önnur um markaðsmál og hin um ferðalög.

Og rétt í þessu varð jarðskjálfti.. stuð.