Síðasta árið hef ég hrint hinu og þessu í framkvæmd – og eitthvað á ég enn eftir að framkvæma. Hvort það allt séu góðar hugmyndir á síðan bara eftir að koma í ljós.

Ég hef ákveðið að taka þennan pólinn í hæðina líka gagnvart blogginu – og smella því á publish takkann frekar en að láta færslur hanga í drafts þar til ég eyði þeim.

Síðustu vikur er hef ég verið að skrifa svolítið af bloggfærslum á likaminn.is en það er vefur sem ég er að smíða með hjálp mikilla snillinga sem ýmist eru á kafi í næringa- og íþróttafræðum.

Færslurnar hafa verið um allt frá ráði við hlaupasting til ástæðna fyrir af hverju við ættum að borða hægar.

Bloggið sjálft er í raun hálfgert hliðar-verkefni vefsins þar sem vefurinn sjálfur mun verða undir tól sem ég er að smíða – og byrjaði á til að halda utan um eigin íþróttaiðkun og árangur á breyttu mataræði. Fyrstu eiginleikar kerfisins hafa verið prufaðir af litlum hópi og er ég þessar vikurnar að ganga frá þeim svo ég geti opnað þá fyrir gesti bloggsins.

Þannig að ef þú hefur áhuga á einhverju sem við kemur líkamanum því sem hefur áhrif á ástand hans þá skaltu endilega skrá þig á síðuna og fá aðgang.

Ég smíðaði sem sagt framtíðarsýna-ský og leit að gildum í framtíðarsýnum.

Skagafjörður.net

Hugmyndin var semsagt að safna saman Skagfirskum bloggurum og vísa í færslurnar þeirra. Sömuleiðis draga úr flickr og öðrum síðum allt það sem mögulega gæti tengst firðinum fagra. Ef þú átt slóð á eitthvað Skagfirskt efni á netinu smelltu því þá endilega inn á skagafjordur.net

Forsaga hugmyndarinnar er að fyrir einum til tveimur mánuðum síðan ákvað ég að selja PS3 tölvuna mína þar sem ég var löngu hættur að nota hana. Aukið lausafé var síðan ekkert slæmt heldur. Til að finna verð á vélina kíkti ég psx.is sem er leikjatölvuvefur , barnaland.is og á smáauglýsingahluta mbl.is og visir.is fréttavefanna. Það að þurfa að flakka á milli þessara vefa bara til að sjá hvað menn voru að selja þessar vélar á fannst mér of mikið – svo hugmyndin fæddist.

Uppkast að útliti og eiginleikum

Það fyrsta sem ég skoðaði var hversu sjálfvirkan ég gæti haft vefinn. Hvort ég gæti sett upp kerfi sem skannar þær síður sem ég vísa því á, látið það sækja nýjustu auglýsingarnar og sett í grunn sem hægt væri síðan að gefa notendum möguleika á að leita í.

Útgáfa 1

Þetta var allt frekar einfalt og tók ekki nema örfáa tíma af forritun og úr varð fyrsta útgáfan af vefnum. Ég fékk nokkra á MSN listanum hjá mér til að prófa hann og grunn hugmyndin virtist vera að virka; hægt að leita að auglýsingum af nokkrum vefum í einu.

Því var ekkert annað að gera en að kaupa lén undir þetta og skýra vefinn. Upphaflega hugmyndin var nú að láta hann heita kauftu.is (rangt skrifað viljandi) til að vera svolítið rebel og fá athygli útá nafnið. Ég hætti við það á síðustu stundu, hver veit nema ég skipti um nafn seinna.

Útgáfa 1.1

Baldur félagi minn, sem stundar nám í grafískri hönnun við UCN háskólann í Danmörku, tók sig til og kastaði því næst upp merki á vefinn ásamt því að leggja mér lið við að koma þokkalegu útliti ofaná hann.

Markaðssetningin fyrir vefinn var síðan afskaplega einföld. Facebook.

Nýir eiginleikar eru síðan væntanlegir á næstunni. Betri tenging við notendur vefsins, þeim gefinn betri kostur á að fylgjast með leitarorðum og sitthvað fleira spennandi.