Ef öllum rannsóknum á skaðlegum áhrifum farsíma er skipt í tvennt, annarsvegar þær sem eru styrktar af símafyrirtækjum eða fyrirtækjum í tengslum við þau og hinsvegar sjálfstæðar rannsóknir þeim ótengdum, kemur víst svolítið forvitnilegt í ljós.

• 70% sjálfstæðu rannsóknanna benda til að notkun farsíma geti verið skaðleg.
• 25% rannsókna styrktum af símafyrirtækja benda til að notkunin sé skaðleg.

Í nýjasta podcast þætti This American Life fjallar þriðji hluti þáttarins (hefst á 45:55) um einmitt þetta. Þeir tala m.a. um að farsímanotkun í dag sé stærsta líffræðitilraun sem gerð hafi verið. Að ekki sé búið að sanna þetta á einn veginn eða annan og að á meðan notum við símana óspart.

Þeir tala reyndar um að mörg Evrópulönd taki mun strangar á þessum málum en Bandaríkjamenn. Litlar sem engar rannsóknir séu framkvæmdar í Bandaríkjunum og regluverk um aldurstakmörk á notkun farsíma sé strangari eða til staðar í mörgum löndum Evrópu.

Það eitt að Bandaríkjamenn séu að draga lappirnar í þessu gæti kannski verið einhver vísbending.

Ekki misskilja samt. Strax eftir að ég hlustaði á þáttinn tók ég upp símann, lagði þéttingsfast að eyranu og talaði lengi vel án þess að spá nokkuð í þessu. Ég er ekkert á nálum yfir þessu.

En hver veit, þetta verður kannski stærsta “I told you so” mannkynssögunnar.

Leitarorðin “ferðalag” og “ekki heima” geta hinsvegar birt lista yfir tilvalin fórnarlömb innbrota og aðeins dæmi um hversu auðvelt er að misnota upplýsingar sem fólk hefur ekki hugmynd um að það sé að gefa upp hverjum sem vill sjá. Og taktu eftir; þetta er aðgengilegt öllum. Ekki bara vinum þínum.

Smelltu á myndina til að sjá hvaða fólk er ekki heima

Ef þú ert notandi á Facebook, renndu endilega í gegnum privacy stillingarnar og athugaðu hvort þú sért nokkuð að birta of mörgum of miklar upplýsingar um þig.

Account - Privacy settings - Profile Information

WTF þýðir semsagt “what the fuck”, fyrir þá sem eru ekki jafn cool og mamma.

OS X stýrikerfið á Mac vélunum er með magnaðan eiginleika sem heitir Services, eða þjónustur. Ég tók mig til og smíðaði litla þjónustu sem tekur afritaðan texta, sendir á villupúkann og skilar í litlum glugga.

Texti afritaður (cmd+c)

Sent á villupúkann (hægt að setja flýtilykil á skipunina)

Svar frá Villupúkanum

Þökk sé Automator hugbúnaðinum er lítið mál að setja svona saman. Íslenskan og hvernig vefur púkans er settur upp, flækir hinsvegar málið örlítið, þar sem vinna þarf textann yfir á rétt stafasett áður en hann er sendur á villupúkann.

Til að opna síður með þessum þjónustum í svona Website popup gluggum, þarf fyrst þarf að sækja og setja upp Website Popup þjónustuhlutann.

Þjónustuna má síðan sækja hér. Opnið innihald ZIP skráarinnar og veljið Save As og nefnið þannig þjónustuna. Í flestum hugbúnaði (Safari o.fl.) má svo fara í Service Preferences… og setja setja flýtilykil á skipunina.

Athugið að ég hef ekki hugmynd um hver skoðun höfunda villupúkans er á tólum sem þessum. Vefpúkinn er aðgengilegur öllum á netinu og því reikna ég með að þetta sé óhætt svo framarlega sem ljóst er hver er að lesa yfir textann. Ég hef látið

iconv hluti þjónustunnar virðist eitthvað brothættur. Er aðeins að virka hjá sumum sem hafa prófað. Ég fikta betur í þessu fljótlega og uppfæri vonandi með útgáfu sem virkar hjá öllum. Öllum er velkomið að henda á mig lagfæringum og viðbótum.

HTC Hero

Ég átti leið framhjá Hátækni eina helgina í október og slysaðist til að kaupa mér HTC Hero símann. Ég fann til í litla Apple hjartanu, enda hefur iPhone verið á óskalistanum í töluverðan tíma. HTC Hero síminn er hinsvegar að keyra hið merkilega Android stýrikerfi sem Google menn smíða. Stýrikerfið, sem í grunninn er Linux, er allt töluvert opnara en það sem iPhone keyrir og þannig er hægt að leika sér að vild að þessum símum. Strax fyrsta kvöldið var ég búinn að smíða forrit sem tengdist við GPS tækið í símanum. Forritið gerði reyndar ekkert merkilegra en það, tengist bara við GPS vélbúnaðinn en birti ekki einu sinni staðsetninguna.

Forrit til að tengja mann við Facebook, Twitter og alla helstu samfélagsvefina eru síðan til staðar svo maður á ekki eftir að missa af neinu á netinu.

3G Watchdog

Þar sem síminn er allur tengdur við Google, þá er hann beintengdur og “syncar” sig við gmail, google calendar, google contacts og gTalk spjallið. Vandamálið við að farsímarnir séu orðnir þetta nettengdir er hinsvegar að símafyrirtækin hér heima okra virkilega á öllu sem heitir netnotkun farsíma.

Ég valdi mér 1660 kr. á mánuði pakka hjá Vodafone og fæ þá 500MB gagnamagn sem virðast duga mér út hvern mánuð. Til að fylgjast með þessari notkun og til að tryggja að ég fari ekki langt umfram hana, sótti ég forritið 3G Watchdog sem mælir notkunina.

Eftir þriggja vikna notkun og töluvert flakk á netinu, niðurhal á pósti, stanslausum twitter uppfærslum og einhverri facebook notkun hef ég reyndar áttað mig á að þessi 500MB pakki er meira en nóg fyrir mig og því kannski ekkert svo svakalegt okur hjá Vodafone að rukka mig 1660 kr. fyrir að færa mér internetið í vasann.

Ég tók símann með til Danmerkur um daginn og hjálpar Google Maps manni vel við að átta sig á borgum og umhverfinu sem maður er að ferðast í. Eftir nokkur ár, þegar flestir verða komnir með einhverskonar GPS í símana sína, á þetta eftir að auðvelda fólki ferðalög um borgir og/eða óþekkt svæði. Ég sé alveg fyrir mér tæknilega vanheilt fólk einsog mömmu vera mikið afslappaðri í verslunarleiðangri á strikinu þegar hún sér á meðan í hvaða átt barinn, sem pabbi situr á, er.