Ægir Finnsson » Myndir

Þyrluflug og eldgos

Ægir — Wed, 07 Apr 2010 13:44:11 +0000

Fyrir viku síðan bauð vinnan mér og samstarfsfólki mínu í útsýnisflug upp að eldstöðvunum í Eyjafjallajökli. Flogið var af stað frá Hótel Rangá rétt rúmlega 17.00 á miðvikudaginn með þeim landsfræga þyrluflugmanni Jóni Spaða sem átti heldur betur eftir að standa undir nafni í heimferðinni.

Tekin úr aðfluginu. Lendum hægramegin við miðja mynd.

Ferð með svona apparati fyrir jafn tækjaóðan einstakling og adrenalínfíkil og mig gerði þessa ferð engi annarri líkri. Flugið uppeftir tók 10-15 mín. og lentum við fyrir miðjum hól sem hálftíma síðar var að hluta til rifinn í sundur af nýju sprungunni sem opnaðist þarna um kvöldið 30-40 metrum frá staðnum sem við stóðum á.

Það er frekar sérstakt að sjá svona eldfjall í návígi. Þótt maður sé í aðeins nokkur hundruð metra fjarlægð á maður erfitt með að átta sig á stærðinni á þessu. Grjóthnullungar spýtast þarna upp á þvílíkum ógnarkrafti að í flugi þeirra niður aftur virðast þeir svífa hægt og rólega – en þá er það bara vegalengdin niður sem er að blöffa mann.

Hraunfossarnir niður í Hvannárgil

Jón spaði að sýna sig

Flugið til baka er síðan eitt af því skemmtilegasta sem ég hef gert eða fengið að vera þátttakandi í. Við vorum ekki fyrr lögð af stað til baka yfir gilin þegar þyrlunni er snúið algerlega á hvolf og hver dýfan á fætur annarri tekin með okkur emjandi af hræðslu og gleði. Viðar náði einhverjum myndböndum sem hann skellti á youtube en þar sjást ein eða tvær veltur.

Takið t.d. eftir sjónarhorninu á 0:08 sec. í þessu myndbandi.

Tvö önnur myndbönd frá Vidda á youtube

Ljómandi jól í Skagafirði

Ægir — Tue, 29 Dec 2009 12:26:45 +0000

Ég átti frábær jól í Skagafirði með fjölskyldunni. Byrjaði á að renna til Akureyrar þar sem Bylgja systir var að jafna sig eftir aðgerð. Keypti jólagjafirnar þar í bænum og var síðan á Hofsósi alla síðustu viku og lét stjana við mig.

Tók fullt af myndum. Nánast allar af snillingnum Camillu Líf. Fer yfir þær fljótlega og kem fyrir á flickr. Hér er annars smá sýnishorn. Smellt á myndirnar til að sjá fleiri.

Verðandi ljósmyndari

Fyrsta snjóþotuferðin

Skagfirskir áhugaljósmyndarar

Ægir — Thu, 24 Sep 2009 15:43:09 +0000

Það er töluvert um ljósmyndara bæði atvinnu og ekki síður áhuga í og úr Skagafirði. Í gegnum Facebook hef ég meðal annars rekist á klúbbinn Ljóska sem hefur 45 meðlimi svo áhuginn er klárlega til staðar (Síðuna þeirra bráðvantar reyndar tengla á myndir eftir meðlimina). Fjörðurinn skemmir líka ekkert fyrir þeim sem vilja prófa sig áfram, nóg er af fallegum stöðum til að mynda. Flestir ljósmyndarar hafa flickr síður svo mér datt í hug að safna saman einherjum lista.

Til að henda þessum lista saman ætla ég að gerast svo djarfur að stela einni mynd frá hverjum ljósmyndara og birta hér í póstinum. Ég vona að mér verði fyrirgefið það. Smellið á myndirnar til að skoða síðurnar þeirra.

Ef þið vitið um fleiri Skagfirðinga eða aðra sem taka mikið af myndum í firðinum á flickr – bætið þá endilega við slóðum í skoðanirnar.

Gunnar Freyr

Hrannar Örn

Silja Ösp

Davíð Már

Brimdís

Björn Ingi

Linda Fanney

Ættarmót á vestfjörðum

Ægir — Thu, 30 Jul 2009 16:34:22 +0000

Á föstudaginn flaug ég vestur til Ísafjarðar til að mæta á ættarmót. Ég þóttist ætla að vera duglegur að taka eitthvað af myndum. Þær urðu 5 á vélina mína. Tók síðan eitthvað á vélina Bylgju systur. Ekki merkilegur árangur. Þarf virkilega að fara að gera eitthvað í þessu myndatökuleysi hjá mér.

Næsta helgi er svo víst Veslunarmannahelgin og helgin þar á eftir eru það Fiskidagurinn á Dalvík. Ég er ekki alveg búinn að ákveða hvað ég ætla að gera. Útilega uppí Borgarfirði verður sennilega málið um versló Er síðan að láta mig dreyma um að komast í sumarfrí frá og með helginni þar á eftir, svo fiskidagurinn gæti orðið möguleiki.

Glöggt er gests augað

Ægir — Mon, 27 Apr 2009 19:17:56 +0000

Chris Lund var á Hofsósi um páskana. Þetta myndasafn hans sýnir hvað maður er agalagega slappur að sleppa sér með velina þar.