Ægir Finnsson » Ísland

Dúndurfréttir á fimmtudaginn

Ægir — Sat, 01 May 2010 11:02:54 +0000

Ég skrapp á tónleika með Dúndurfréttum á fimmtudaginn. Suddalega góðir. Ég er ekkert hissa á að Rolling Stone Magazine segi þá „The best Pink Floyd, Led Zeppelin cover band ever.“

Rakst á myndbönd á youtube frá þessum tónleikum.

Lætin í kringum Óla forseta

Ægir — Wed, 21 Apr 2010 12:59:23 +0000

Umræðan um áhrif ummæla Ólafs Ragnars á ferðaþjónustuna virðist í megindráttum snúast á tvo vegu. Að hann sé að sinna almannavarnahlutverki erlendra ríkja – eða að hann sé að stórskaða ferðaþjónustuna hér innanlands.

Baldur tekur þetta vel saman og fær fína umræðu í framhaldi af því.

Mig langaði rétt að birta mynd af athyglinni sem Ísland er að fá og gefur kannski einhverja mynd af því hversu margir eru fyrst núna að spá eitthvað yfir höfuð í Íslandi. Fólk sem vissi varla af okkur. Og því sennilega síst af öllu á leið í ferðalag hingað. Hversu margir þeirra sáu síðan þessi umræddu ummæli Óla veit ég ekki né hversu margir þeirra sem hafa heyrt af Íslandi síðustu viku koma til með að heimsækja okkur.

Trend orðsins "Iceland" á netinu samkvæmt Google

Trend "visit iceland" á Google

Hvernig sem það fer þá er heildarfjöldi ferðamanna sem koma til Íslands á næstu árum langt í frá að fara að minnka.

Flottasta auglýsing í heimi?

Ægir — Tue, 20 Apr 2010 17:09:20 +0000

Sparisjóð Skagafjarðar á Hofsós

Ægir — Mon, 08 Feb 2010 16:46:23 +0000

Það er í gangi undirskriftasöfnun til að hvetja Sparisjóð Skagafjarðar til að opna afgreiðslu á Hofsósi eftir að Arion banki lokaði sinni. Að sjálfsögðu þarf bankaútibú í bæ sem er í stöðugri sókn einsog Hofsós er!

Skrifaðu því undir:
http://skagafjordur.net/hofsos/

Gögn frá þjóðfundinum

Ægir — Fri, 20 Nov 2009 17:48:29 +0000

Eftir að fyrstu gögn þjóðfundarins fóru að koma út á netið um síðustu helgi skellti ég upp lítilli síðu sem birti bæði gildi og framtíðarsýn fundargesta. Tengill á þessa litlu síðu mína endaði inná eyjan.is svo þúsund manns skoðuðu herlegheitin. Finnur Gommit frændi var yfir tæknimálum fundarins og smíðaði m.a. kerfið sem vistar öll gögnin sem urðu til. Næstu vikur og mánuði verður lesið í þetta gríðarlega magn gagna og þau birt í alla veganna formi af öllum sem áhuga hafa á að lesa eitthvað úr þeim.

Ég smíðaði sem sagt framtíðarsýna-ský og leit að gildum í framtíðarsýnum.

Óvinafagnaður og Ofsi

Ægir — Mon, 27 Jul 2009 13:32:55 +0000

Í síðustu viku las ég bókina Óvinafagnaður, eftir Einar Kárason. Bókina kláraði ég sitjandi afturí húsbílnum pabba, akandi milli Ísafjarðar og Núps í Dýrafirði. Í bókinni er fjallað um ferðir Þórðar Kakala um Ísland í hefndarhug eftir að Kolbeinn ungi og Gissur Þorvaldsson hafa drepið föður hans og bræður í Örlygsstaðarbardaga. Þegar líður á söguna eru Þórður og hans menn, flúnir út á vestfirði og halda á skipi út fyrir Hornstrandir og lenda í einu sjóorrustunni sem háð hefur verið við strendur Íslands, úti á Húnaflóa. Það jók töluvert á mátt sögunnar að vera sjálfur á ferð þarna á vestfjörðum þegar maður las um þessar svaðilfarir. Þegar menn riðu landshorna á milli á hestum í öllum veðrum.

Óvinafagnaður og Ofsi

Vikuna á undan las ég Ofsa, sem er önnur bókin í þessari ritröð Einars. Sú saga gerist á eftir Óvinafagnaði svo ég tók þetta í öfugri röð, en nú á maður báðar sögurnar og getur rennt í gegnum þetta seinna í réttri tímaröð. Ofsi fjallar um það þegar Gissur Þorvaldsson kemur aftur frá Noregi og vill að friður komist á á Íslandi eftir áralangan ófrið við erkióvinur sína, Sturlungana. Eftir að Þórður Kakali hefur náð völdum af Kolbeini Unga eftir sjóorrustuna miklu. Báðar bækurnar ættu að vera skyldulesning, allavega Ofsi í Skagfirskum skólum. Stórskemmtilegt að lesa um þessa merku atburði sem gerðust hér fyrr á öldum. Það að þekkja til örnefna og bæjarnafna í Skagafirði auðveldar síðan ímyndunaraflinu svo um munar að sjá fyrir sér atburðina. Þegar menn ríða yfir Öxnadalsheiði, segja frá aðdraganda og sjálfri Flugumýrarbrennu. Ekki skemmir frásagnarstíll persóna Einars Kárasona, en frásögnin gerir lesturinn að meiriháttar skemmtun.

Til hamingju, mamma.

Ægir — Wed, 22 Jul 2009 11:11:36 +0000

Hún elskulega móðir mín á afmæli í dag.

Vígaleg í fjallgöngu

Óska henni hjartanlega til hamingju með daginn. Ég heyrði í henni í morgun, staddri á Flókalundi á vestfjörðum. Heyrði líka í Sonju sem fannst miklu merkilegra að hafa verið í nágrenni Bjarkalundar (úr Dagvaktinni) fyrr um daginn. Megnið af hersingunni er á leið á ættarmót fyrir vestan þar sem afkomendur Albertu Albertsdóttur og Marsellíusar Bernharðssonar ætla að hittast. Planið hjá mér er að fljúga þangað á föstudaginn.

Ég hef þrisvar farið á Vestfirðina, en fyrst núna vopnaður myndavél. Vona að það gefist tími til að taka inn eitthvað af náttúrunni og landslaginu. Ekki veitir af eftir heitt sumar við skrifborðið á malbikinu.

Framtíðarsýn Íslands og lausn efnahagsvandræða okkar

Ægir — Tue, 28 Apr 2009 13:20:16 +0000

Allir sem hafa minnst áhuga á framtíð Íslands ættu að gefa sér klukkutíma og horfa á tvö myndbönd frá Hugmyndaráðuneytinu. Það er fátt sem maður sér í pólitíkinni eða á vinnumarkaðnum á Íslandi í dag sem færir mann jafn mikla bjartsýni og þegar maður heyrir þetta háleitar hugmyndir.

Ægir Finnsson » Ísland

Dúndurfréttir á fimmtudaginn

Lætin í kringum Óla forseta

Flottasta auglýsing í heimi?

Sparisjóð Skagafjarðar á Hofsós

Gögn frá þjóðfundinum

Óvinafagnaður og Ofsi

Til hamingju, mamma.

Framtíðarsýn Íslands og lausn efnahagsvandræða okkar

Fyrsti hluti: Mikilvægi þess að vita fyrir hvað Íslendingar vilja standa

Annar hluti: Útfærsla Renaissance Áætlunarinnar