Fyrir ári síðan lét ég gamlan draum rætast og fór í gegnum ferlið að útvega mér byssuleyfi. Síðan reyndar leið tæpt ár áður en ég fór að ræða við Sigga hjá HISS um að útvega mér byssu til að sökkva mér í sportið, en forláta Rússnesk Baikal tvíhleypa varð fyrir valinu.
Núna um helgina renndi ég síðan norður til að prófa gripinn almennilega.
"Þokan sýnir hryllingsmynd"
Það er margt verra en að vera komin smá spöl upp í fjall í Skagafirði þegar sólin er að skríða upp á laugardagsmorgni. Leiðindar rok varð reyndar til þess að úr varð bara lítil og algjörlega fuglalaus fjallganga – þar sem ég uppgötvaði skort á eigin þoli frekar en nokkuð annað – ásamt smá skotæfingu á aumar fljúgandi plastflöskur.
Elvar veiðimaður
Úr varð reyndar að nú er maður algjörlega kominn með bakteríuna. Næstu helgi er rjúpan friðuð svo maður hefur tvær vikur til að stilla brettið í ræktinni í hæstu stillingu, eða að láta vaða á Esjuna og reyna að útvega sér smá þol.
Það versta við ferðina voru síðan djöfulsins fuglarnir sem dirfðust að láta sjá sig á lóðinni hjá okkur, klukkutíma eftir að ég var kominn heim úr fjallinu.
Ég er í smá sumarfríi á Hofsósi þessa dagana, og verð framyfir Jónsmessuhátíðina sem haldin verður 17-19. júní. Ég kom norður um síðustu helgi í skírn hjá nýjustu skvísunni Bylgju systur og Hjörvars. Stelpan fékk nafnið Bettý Lilja, í höfuðið á Bettý Marselíusdóttur ömmu okkar.
Og auðvitað er alltaf mesta fjörið í kringum stóru systur, Camillu Líf.
Facebook er að fyllast af spam tenglum þessa dagana.
Og það er mögulega þér að kenna!
Hefurðu séð svona?
Eða svona?
Kannist þið við tengla eins og þessa hér fyrir ofan? Tengla sem þið sjáið að vini ykkar líkar og þegar þið hafið smellt á þá sjáið þið ekkert merkilegt gerast?
Um leið og þið hafið opnað þessa tengla þá keyrir síðan sem þið eruð að heimasækja kóða sem framkvæmir Like skipunina fyrir ykkur, þannig að allir vinir ykkar halda að ykkur líkar þessi síða. Þetta flæðir þannig um alla veggi og enn fleiri enda þarna inni. Það sem verra er síðan við þetta er að á þessari tilteknu síðu sem þið voruð að lenda á eru oftar en ekki með vírusar og annar óæskilegur hugbúnaður sem óvarin eða óuppfærð tölva getur lent í vandræðum með að komast heil frá.
Ef þið þurfið alveg nauðsynlega að smella á allan fjandann sem þið sjáið á Facebook, rennið strax yfir Prófíl síðu ykkar og ef tengill birtist þar sem þið kannist ekki sjálf við að hafa smellt á Like við; fjarlægið hann strax og reynið þannig að vera ekki algjörir slóðar á internetinu.
Á Prófíl síðu ykkar birtist þetta svona. Fjarlægið svona!
Kíktu yfir prófíl síðuna þína. Skoðaðu recent activity og fjarlægðu allan óþverra.
Settu jafnvel link á þessa grein í comment hjá þeim sem þú sérð að eru að lenda í þessu.
Og smelltu svo á Like hér fyrir neðan til að dreifa góðu efni um internetið
Ef ég fengi að breyta einhverju í heiminum væri það að allir kennarar, sérstaklega verðandi eins og Bylgja systir, og aðrir sem hafa haft áhrif á skólamál sæu þessi þrjú myndbönd. Fyrsta myndbandið er glænýtt og á vonandi eftir að umturna kennslustofum heimsins. Vonandi.
Vissuði að hiksti verður til í vöðvum sem við notuðum þegar við (forfeður okkar) vorum bæði með tálkn (til að ná í súrefni úr sjónum) og lungu (þegar við vorum að skríða á land). Við erum semsagt búin að vera með hiksta í 370 milljón ár
The first air-breathing fish and amphibians extracted oxygen using gills when in the water and primitive lungs when on land—and to do so, they had to be able to close the glottis, or entryway to the lungs, when underwater. Importantly, the entryway (or glottis) to the lungs could be closed. When underwater, the animals pushed water past their gills while simultaneously pushing the glottis down. We descendants of these animals were left with vestiges of their history, including the hiccup. In hiccupping, we use ancient muscles to quickly close the glottis while sucking in (albeit air, not water). Hiccups no longer serve a function, but they persist without causing us harm—aside from frustration and occasional embarrassment. One of the reasons it is so difficult to stop hiccupping is that the entire process is controlled by a part of our brain that evolved long before consciousness, and so try as you might, you cannot think hiccups away.
Pælið annars í kjánaskapnum af okkur, eða lífverunum sem við þróuðumst af, að skríða upp úr sjónum og uppá land sem þekur aðeins 30% af jörðinni. Hversu mikið meira pláss við hefðum ef við værum enn svamlandi í sjónum.
Það er ekki mikið um það að ég sé í venjulegum tölvuviðgerðum í vinnunni. Allavega ekki miðað við hina strákana. Þó, þegar Apple vélar koma, á ég það til að taka þær að mér. Í vikunni kom fartölva í hús með hörðum diski sem var orðinn hálf ónýtur. Ég afritaði gögnin, setti nýjan disk í vélina og nýtt stýrikerfi, spólaði gögnum til baka og gerðina vélina einsog nýja. Tók mig örfáa tíma.
Það er búið að taka mig marga mánuði að fara í þetta fyrir mína eigin tölvu.
Annars borgari sig að taka tölvurnar annað slagið í gegn. Og að sjálfsögðu hafa uppfærða vírusvörn. Líka Apple notendur.
Þetta er sennilega met í færsluleysi á þessari síðu – en það fer eitthvað meira fyrir mér nú orðið á Facebook og Twitter. En sjáum til hvort ég fari ekki að pósta einhverju hingað. Nokkrar færslur komnar í drafts og maður hefur verið duglegri á veturnar við að skrifa einhverja þvælu.
Ég átti afmæli um síðustu helgi og fagnaði því með afskaplega rólegri helgi – enda líf og fjör búið að vera síðustu mánuði. Sumar og sól og allt sem því fylgir; allt frá Jónsmessuhátíð á Hofsósi til óvæntrar ferðar á þjóðhátíð með Hafrúni snilling, klassa Airwaves vika í miðjum október og nú síðast innflutningspartý hjá fjölskyldunni í Laufkoti. Nú er hinsvegar kominn vetur og svarta myrkur þegar farið er bæði í og úr vinnu.
Í vinnunni er síðan heldur betur nóg að gera. Stór og skemmtileg verkefni sem hafa dúkkað uppá borð hjá mér og stefnir þetta í líflegan vetur. Vetur sem lét síðan sjá sig í gærkvöldi hérna í borginni.
Þeir sem muna eftir mér fyrstu árin hérna í Reykjavík, muna eflaust eftir hvað ég var duglegur með myndavélarnar. Í dag, eftir 9 ár, er ég ótrúlega ánægður með þessa áráttu mína. Magnið af myndum er æðislegt og veit ég hreinlega ekki hvernig ég á að snúa mér í að koma þessu fyrir á netinu til að aðrir geti notið þessa safns. Þetta er ennþá út um allt hjá mér svo ég á eftir að finna mér tíma til að taka þetta allt saman.
Flestar eru myndirnar teknar þegar fólk er í glasi og því óvíst hversu vinsæll ég yrði ef ég birti þetta allt á opinni vefsíðu. Að ég tali nú ekki um Facebook. Sama á við um öll myndböndin.
Við erum að tala um nokkrar Jónsmessuhátíðir á Hofsósi, bíladagaferðir og verslunarmannahelgar á Akureyri, ófá partý á Tryggvagötunni og margt margt fleira.
Ég skrapp á tónleika með Dúndurfréttum á fimmtudaginn. Suddalega góðir. Ég er ekkert hissa á að Rolling Stone Magazine segi þá „The best Pink Floyd, Led Zeppelin cover band ever.“
Vissuði að hiksti verður til í vöðvum sem við notuðum þegar við (forfeður okkar) vorum bæði með tálkn (til að ná í súrefni úr sjónum) og lungu (þegar við vorum að skríða á land). Við erum semsagt búin að vera með hiksta í 370 milljón ár 
