Blíða í henni Reykjavík
Einhvernvegin grunar mig að það sé súld eða rigning fyrir norðan þar sem það er frábært veður hérna í bænum. Ég heyrði í gamla settinu í gær og í leiðinni Þresti frænda sem er í heimsókn á Hofsósi og kenndi kallinum á nýju heimasíðuna sem ég var að gera fyrir hann. Hann á svo eftir að hendast vestur á Ísafjörð og byrja að dæla inn myndum, en kallinn er forfallinn myndavélakall 
Annars er ég farinn að spila tölvuleik núna, ekki oft sem ég stunda svoleiðis lagað. Valur smitaði mig af einhverri flugfíkn og fljúgum við núna í MS FlightSimulator á fullu. Spurning að drífa sig í einn flugtíma og skoða þetta betur.
Annars eru komnar tvær nýjar síður eftir mig á neti’. Útlitið á þeim er reyndar annarsvegar fengið annarstaðar frá og hinsvegar hent saman í flýti svo ég ætla ekki að eigna mér neinn heiður af því.
Þriðja síðan er svo væntanleg í vikunni. Viddi er með helvíti góðan pistil um 90′s tímabilið og Elvar er alltaf jafn jákvæður og hress á sinni síðu. Binni og Bylgja mættu nú svo standa sig aðeins betur
